Një 36-vjeçar nga Kosova dhe një i akuzuar i dytë, 33-vjeçar me shtetësi të dyfishtë zvicerano-maqedonase e Veriut, ranë në prangat e autoriteteve zvicerane. Së fundmi, ndaj të akuzuarve është ngritur aktakuzë për vepra penale të lidhura me terrorizëm.
Autoritetet zvicerane kanë publikuar një njoftim të gjerë lidhur me dy të akuzuarit, ku japin detaje për mënyrën se si kanë zgjeruar veprimtarinë terroriste dhe mënyrat e financimit të saj.
“Këto aktivitete besohet se janë kryer me mbështetjen e një të dyshuari të dytë. Të dy të dyshuarit besohet gjithashtu se kanë përhapur ideologjinë e organizatës terroriste “Shteti Islamik”, duke përfshirë gjatë takimeve të tyre të rregullta, si dhe në mënyrë të pavarur në rastin e të dyshuarit të dytë. Përmes këtyre akteve, të dy individët dyshohet se kanë promovuar njëkohësisht ideologjinë e organizatës dhe kanë mbështetur grupin terrorist “Shteti Islamik””, thuhet në njoftimin e autoriteteve zvicerane,
