Një zhvillim i papritur duket se ka ndodhur jashtë shtëpisë së Big Brother VIP Albania, duke shtuar edhe më shumë interes për raportin mes Brikenës dhe Mateos.
Dy banorët, të cilët brenda lojës po afrohen gjithnjë e më shumë, tani kanë marrë edhe një “sinjal” nga jashtë. Familjarët e tyre kanë filluar të ndjekin njëri-tjetrin në Instagram, një veprim që fansat po e interpretojnë si mbështetje për afrimin e tyre.
Që nga hyrja në format, Mateo nuk i ka fshehur ndjenjat për Brikenën dhe ka kërkuar vazhdimisht një mundësi për ta fituar besimin e saj. Nga ana tjetër, Brikena fillimisht tregoi hezitim për shkak të së shkuarës, por së fundmi pranoi t’i japë një shans për ta njohur më afër.
Fakti që familjet tani janë “follow” reciprokisht në rrjete sociale ka ngritur dyshimet se qëndrimet e mëparshme janë zbutur dhe raporti po shihet më pozitivisht.
Për fansat, ky veprim konsiderohet një lloj “bekimi” në distancë, ndërsa marrëdhënia e tyre mbetet ndër historitë më të ndjekura të këtij edicioni.
