Alban Zejnullahu, ka treguar se vëllai i tij Agon Zejnullahu, kishte shenja të mëdha në trup.
Sipas tij kishte 20 shenja duke pretenduar se mund të kishte edhe gjymtyrë të thyera.
“I ka pasë mbi 20 shenja n’trup. Vetullën e ka pas te qanë, ballin me shenja, goditje në qafë. Ka shenja shume te theksune ne bri sa mendoj se i ka te thynë, këmbët i ka pase me gunga. Nuk ka ndonjë pjesë të trupit që nuk ka pasë goditje”, tha ai në një prononcim për Insajderin.
Alban Zejnullahu tha se zyrtarët policor që u arrestuan dje, ishin edhe në emergjencë kur familjarë kanë shkuar atje pasi kanë marrë lajmin për vdekjen e tij.
Ai tha se policët i njeh personalisht dhe nuk i shprehen ngushëllime
“Policet e arrestun i kemi pa ne emergence kur kemi shku. Shumicën prej tyne I njoh personalisht ama atë nate mbajshin distancë, as per me m’shpreh ngushëllime nuk jane afru. Përveç njanit”, tha ai.
Te pesë zyrtarët policorë janë arrestuar dhe janë ndaluar për 48 orë.
