Një banor i Ferizajt raportoi përmediatik duke nënvizuar një problem të madh: rruga “Hasan Prishtina” dhe disa zona të tjera nuk kanë energji elektrike tash e 28 orë.
Pavarësisht përpjekjeve të shumta për të raportuar këtë situatë, banori shprehet se problemi nuk është zgjidhur ende pas pesë thirrjeve në KESCO. Kjo ngjall shqetësim të madh te qytetarët, të cilët përballen me vështirësi për shkak të mungesës së energjisë.
Zëdhënësi i KEDS-it, Lulzim Krasniqi, ofroi një shpjegim për këtë krizë energjetike që po i prek banorët e Ferizajt. Ai tha se situata është për shkak të mbingarkesës në rrjetin elektrik, një ndodhi e cila ka shkaktuar ndërlikime të mëdha.
Z. Krasniqi theksoi se mungesa e kapaciteteve nga ana transmetuese është një faktor kyç në këtë problem. Ai përmendi se KOSTT-i, institucion përgjegjës për menaxhimin e rrjetit, ka kërkuar shkyçjen e disa lidhjeve për të ruajtur asetet elektroenergjetike.
