Policia pas një hetimi disamujor në rastin e koduar “Golfi”, të dielën ka arrestuar katër persona lidhur me veprën penale të shitblerjes të substancave narkotike.
Bëhet e ditur se fillimisht në rrugën “Ernest Koliqi” në Prishtinë është ndaluar vetura e tipit BMW, ngjyrë e bardhë me targa vendore, të cilën e drejtonte i dyshuari kryesor me iniciale Y.A, i lindur në vitin 1997, ku gjatë kontrollit në trup i janë gjetur 1 mijë e 100 euro dhe tre telefona të llojit IPHONE.
Të njëjtën kohë njësitet policore kanë zbarkuar në rrugën “Jeronim Derada” te shtëpia e të dyshuarit Y.A. dhe në momentin e arritjes tek shtëpia aty afër derës se oborrit ndodheshin dy persona tjerë U. G i lindur në vitin 1999, dhe F. S i lindur në të njëjtin vit, ndërsa me të hyrë brenda oborrit një tjetër i dyshuar me iniciale F.H i lindur në vitin 1998 ka filluar të ik nga vendi i ngjarjes dhe ka hedhur në oborrin e shtëpisë së fqiut një qese të mbushur me substancë të dyshuar narkotike e cila më vonë pas matjes ka rezultuar me peshë 266 e 8 gram.
Hetuesit e antidrogës pas disa metrave ndjekje kanë arrit që ta ndalojnë dhe arrestojnë të dyshuarin e lartcekur me iniciale F.H, ku gjatë kontrollit të tij është gjet një Sprej me mbishkrim “Nato” një telefon (IPHONe) dhe 120 euro para.
“Gjatë realizimit të operacionit të bastisjes dhe kontrollimit të shtëpisë së të dyshuarit (Y.A.) janë gjetur dhe sekuestruar provat/dëshmitë si në vijim
Dhjetë paketime të mbushura me substancë të dyshuar narkotike e llojit marihuanë me peshë (590.6) gram.
Një qese e mbushur me substancë të dyshuar narkotike e llojit marihuanë me peshë (12.29) gram.
