Prej disa ditësh, një nga temat më të diskutuara të edicionit të katërt të Big Brother VIP Kosova është marrëdhënia mes Londrimit dhe Klodit. Kimia mes dy banorëve, shakatë dhe afërsia fizike janë kthyer në material viral në rrjetet sociale, duke u shoqëruar shpesh me doza humori, por edhe me aludime të ndryshme nga publiku rreth natyrës së këtij raporti.
Në këtë “debat” virtual nuk ka munguar as opinioni i Vullnet Krasniqit.
Ish-banori i sezonit të kaluar, gazetari që njihet për natyrën e tij të drejtpërdrejtë dhe që foli hapur për orientimin e tij seksual gjatë qëndrimit në shtëpi, e sheh situatën nga një këndvështrim tjetër.
Përmes një postimi në Instagram, Vullneti ka shpërndarë një video të dyshes që qarkullon në TikTok (me mbishkrimin rreth “shokut bikurioz”), duke dhënë një verdikt të prerë. Sipas tij, dinamika mes djemve anon nga njëra anë.
“Klodi është duke e përdorur shumë keq,” – ka shkruar Vullneti.
Me këtë koment, gazetari lë të kuptohet se e sheh sjelljen e Klodit më shumë si strategji loje apo shfrytëzim të situatës emocionale të Londrimit, sesa si një afrimitet të sinqertë të dyanshëm.
Mbetet për t’u parë nëse kjo marrëdhënie do të evoluojë apo do të kriset në ditët në vijim. /Prive
