Kompania e Elon Muskut, Neuralink, ka transmetuar drejtpërdrejt pacientin e saj të parë me çipin e implantuar në tru që luan shah.
Noland Arbaugh, pacienti 29-vjeçar i cili ishte i paralizuar pas një aksidenti zhytjeje, po luante shah në laptopin e tij dhe lëvizte kursorin duke përdorur pajisjen Neuralink.
Ai e kishte marrë çipin nga kompania në janar dhe më pas u zbulua se kishte arritur ta kontrollonte një mi kompjuterik duke përdorur mendimet e tij, raportoi Guardian.
“Operimi ishte shumë i lehtë”, ka thënë Arbaugh në videon e transmetuar në platformën X të Muskut, duke iu referuar procedurës së implantimit. “Unë dola nga spitali një ditë më vonë. Nuk pësova dëmtime”.
Kjo është konsideruar nga kompania si zhvillim shumë pozitiv për të ardhmen.
