Kitaristi dhe producenti legjendar i rokut, Rick Derringer, ka ndërruar jetë në moshën 77-vjeçare. Lajmi i trishtë ku konfirmua nga bashkëshortja e tij në një deklaratë për TMZ-në.
Jedda Derringer është shprehur se Rick ndërroi jetë më 26 maj pasi iu hoq aparati që e mbante në jetë pas një ‘incidenti’ mjekësor. Më pas ishte miku i tij i ngushtë, Tony Wilson, i cili ndau lajmin në rrjetet sociale.
Kush ishte Rick Derringer?
I lindur si Richard Derringer, ai pati një karrierë të frytshme në muzikë, duke shtrirë më shumë se gjashtë dekada si interpretues, kompozitor dhe producent. Ai u bë i njohur si udhëheqësi i “McCoys” në vitet 1960. Kënga e tyre debutuese e vitit 1965, “Hang On Sloopy”, arriti vendin e parë në top lista dhe është përshkruar si një klasik i garage rock-ut.
