Shumë bakterie dhe mbeturina mund të grumbullohen në dhëmbë nëse higjiena orale nuk është adekuate, duke përfshirë edhe shtresën e zezë, e njohur si tartar.
Tartari është pllakë dentare e ngurtësuar që mund të formohet në dhëmbët tuaj, si sipër ashtu edhe poshtë vijës së mishrave të dhëmbëve.
Të gjithëve, u formohen pllakat në dhëmbë, por nëse nuk i hiqni me higjienën e duhur orale, pllakat mund të ngurtësohen në gurë.
Ndryshe nga pllakat, gurët e dhëmbëve nuk mund të largohen me furçë dhe me. Ato mund t’i largojë vetëm një dentist gjatë një pastrimi profesional dentar.
Tartari përmban kryesisht baktere të vdekura që janë mineralizuar, të përziera me një sasi të vogël të proteinave të mineralizuara nga pështyma juaj.
Cilat janë simptomat e gurëve në dhëmbë?
Nëse keni filluar të zhvilloni gurë në dhëmbë, mund të vini re:
Njolla të verdha, kafe ose të zeza në dhëmbët tuaj;
Erë të keqe të gojës;
Gingiviti (mishra të kuq, të fryrë ose me gjakderdhje);.
Një shtresë e fortë, si kore në dhëmbët tuaj.
Çfarë e shkakton gurin e gojës?
Kur nuk e hiqni në mënyrë rutinore pllakën nga dhëmbët tuaj, ajo mund të kthehet në gur. Pra, guri i dhëmbëve zakonisht është rezultat i higjienës së dobët orale.
Si e trajtoni gurin e dhëmbëve?
Mënyra e vetme për të trajtuar gurët në mënyrë efektive është të vizitoni një dentist ose higjienist. Ata do të heqin gurin në mënyrë të sigurtë duke përdorur një kombinim instrumentesh speciale.
Mund të jetë joshëse për të hequr gurët nga dhëmbët tuaj pa një dentist, por kjo në fakt mund të dëmtojë dhëmbët tuaj dhe t’ju bëjë më të ndjeshëm ndaj kaviteteve dhe çështjeve të tjera.
Si mund të parandalojmë grumbullimin e gurëve?
Për të shmangur çështje të tilla si kavitetet dhe sëmundjet e mishrave të dhëmbëve, është më mirë të ndaloni fillimisht formimin e gurëve. Për të ndihmuar në parandalimin e grumbullimit të gurëve në dhëmbët tuaj duhet të aplikoni këto këshilla:
Lani dhëmbët dy deri në tre herë në ditë. Përdorni një furçë dhëmbësh me qime të buta dhe pastë dhëmbësh me fluor;
Kaloni me një shpëlarje goje pa alkool dhe antibakterial dy herë në ditë. Kjo ndihmon në vrasjen e baktereve të gojës që shkaktojnë akumulimin e pllakave dhe gurëve;
Shmangni duhanin dhe produktet e tjera të duhanit. Hulumtimet tregojnë se njerëzit që pinë duhan kanë një rrezik shumë më të lartë të zhvillimit të gurëve të dhëmbëve;
Vizitoni dentistin tuaj rregullisht për ekzaminime dhe pastrime.
