Rikthimi i Eduart Kuqit (Edi) në “Big Brother VIP Kosova 4” u shndërrua në një nga befasitë e mëdha të sezonit, sidomos pasi ai u largua vullnetarisht dhe me skenë dramatike gjatë edicionit të kaluar./InfolineNews
Sapo Edi u fut sërish në shtëpi, sytë e publikut u kthyen edhe nga ish-banorët e BBVK3. Ndër reagimet më të shpejta ishte ai i Anisa Veselit, e cila dikur ndau një pjesë të lojës (dhe jo vetëm vëmendjen e publikut) me të.
Në të njëjtin moment të hyrjes së Edit, Anisa postoi në Instastory një foto ku shihet duke mbuluar fytyrën dhe duke qeshur, shoqëruar me dy emoji “😂”. Pa asnjë fjalë shtesë, postimi u lexua si një koment i nënkuptuar për kthimin e tij – dhe la hapësirë për interpretime.
Gjatë verës, pas mbylljes së BBVK3, dyshja u pa disa herë bashkë, duke nxitur zëra për një afërsi të mundshme. Kjo e bën reagimin e Anisës edhe më intriguese, teksa publiku pyet nëse bëhet fjalë për humor, nostalgji apo një “mesazh” të koduar.
Me një imazh të vetëm dhe dy emoji, Anisa arriti të ndezë sërish debatin rreth raportit të saj me Edin. Ndërkohë, rikthimi i tij në shtëpi premton emocione dhe dinamika të reja – si brenda formatit, ashtu edhe jashtë tij, në rrjete. /InfolineNews
