Para duelit të mbrëmjes së së martës në “Fadil Vokrri” (20:45), selektori i Zvicrës Murat Yakin ka bërë të qartë se sfida me Kosovën nuk do të trajtohet si “derbi vëllazëror”, por si një ndeshje ku kërkohet rezultat maksimal. Edhe kapiteni Granit Xhaka, i fotografuar duke zbritur nga autobusi pas një loje në telefon, kthen vëmendjen te “loja e vërtetë” në fushë. /InfolineNews
Yakin i la mënjanë ngarkesat sentimentale:
“Aspektin emocional e kemi lënë pas. Nuk ka duel vëllazëror. Duam të nisim fort, të bëjmë lojën tonë dhe të kërkojmë gola.”
Ai vlerësoi Kosovën për hyrjet e shpejta në ndeshje, duke paralajmëruar se Zvicra duhet të jetë e fokusuara që në minutat e para.
Zvicra është e kualifikuar direkt edhe në rast humbjeje 0–5.
Kosova e ka siguruar play-off-in; për kualifikim të drejtpërdrejtë do t’i duhej një fitore 6–0, praktikisht mision i vështirë.
Yakin refuzon të mendojë “skenarë të këqij”: “Çdo gjë është e mundur në futboll, por është në dorën tonë ta vendosim.”
Zvicra fitoi 4–0 në Basel, por Yakin thekson se Kosova ka ndryshuar sistem dhe ka bërë hap të madh përpara që atëherë.
“Ata luajnë pa presion, nuk kanë ç’të humbasin. Ne duam dominim dhe gola.”
Yakin nuk sheh nevojë për ndryshime të mëdha në 11-shen, duke u mbështetur te thellësia e bankinës.
Për marrëdhënien me Granit Xhakën, tekniku u shpreh se debatet e së kaluarës janë tejkaluar: “Ai është lider. Episodet u ekzagjeruan—ecëm përpara bashkë.”.
Gregor Kobel tha se skautingu përfshin analizën e gjithë ekipit, por edhe lojtarë specifikë si Fisnik Asllani: “Është në formë; si portier shoh më shumë modelin e lojës së kundërshtarit.”
Mes llogarive të sigurta dhe ambicies për lojë sulmuese, Zvicra e Yakinit synon të mbyllë me fitore një fushatë kualifikuese të suksesshme. Kosova, pa presionin e rezultatit, kërkon të konfirmojë progresin dhe të befasojë para publikut të vet. /InfolineNews
