Policia në Ferizaj ka njoftuar se ka gjobitur me 300 euro dhe 3 muaj ndalim të vozitjes një shofer për tejkalim të shpejtësisë.
“Njësia e Trafikut Rrugor, gjatë realizimit të kontrollit me radar në rrugën magjistrale Ferizaj-Gjilan në fshatin Dardani të Ferizajt, rreth orës 01:25, ka evidentuar një automjet të markës BMW me targa të huaja që po lëvizte me shpejtësi prej 143 km/h, në zonën ku kufizimi i lejuar është 50 km/h. Ndaj shoferit A.R.,33 vjeç është shqiptuar një gjobë për kundërvajtje trafiku për tejkalim të shpejtësisë së lejuar: 300 € dhe masë mbrojtëse (ndalim i drejtimit të mjetit për 3 muaj).”
“Policia Rajonale e Ferizajt do të vazhdojë me kontrolle dhe aktivitete të intensifikuara në funksion të parandalimit të aksidenteve dhe rritjes së sigurisë në komunikacion. Apelojmë tek të gjithë shoferët që të respektojnë rregullat dhe shenjat e komunikacionit rrugor. Ftojmë qytetarët që të bashkëpunojnë me Policinë Rajonale të Ferizajt. Për çdo shkelje apo rrezik në komunikacion, mund të njoftoni përmes: 192 0290/326-250 0290/322-406 Aplikacionit “Lajmëro Policinë”. Të dhënat e raportuesve do të trajtohen me konfidencialitet të plotë.”
