Advertisements
Elon Musk i ka quajtur komentet e presidentit amerikan Donald Trump për të si “shumë zhgënjyese”.
Grindja Musk-Trump u rindez për shkak të “Projektligjit të madh dhe të bukur” të presidentit, të cilin miliarderi i Tesla dhe SpaceX e sheh si një zgjerim të papranueshëm prej shumë trilionë dollarësh të borxhit federal.
Në një postim në Truth Social, Trump e sulmoi Musk për subvencionet që kompanitë e tij kanë marrë, veçanërisht për automjetet elektrike.
Trump tha se pa to, Musk “ndoshta do të duhej të mbyllte dyqanin dhe të kthehej në shtëpi në Afrikën e Jugut”.
Trump kishte thënë gjithashtu “do të duhet të shqyrtojmë” kur u pyet nëse do të merrte në konsideratë deportimin e Musk.
