Drejtoria për Siguri dhe Emergjenca e Komunës së Prishtinës ka bërë thirrje për kujdes gjatë temperaturave ekstreme në muajin korrik, për çka thonë se priten të kalojnë edhe 37 gradë Celsius.
Në këto kushte, ata bëjnë apel tek qytetarët që të shmangin detajet e panevojshme gjatë orëve të pikut, nga ora 11:00 deri në orën 17:00.
Njoftimi i plotë:
Të nderuar qytetarë,
Sipas parashikimeve meteorologjike, muaji Korrik pritet të shënojë temperatura shumë të larta, që mund të kalojnë 37°C.
Në kushte të tilla, ju bëjmë thirrje të tregoni kujdes të shtuar për shëndetin tuaj dhe të të afërmve:
Shmangni daljet e panevojshme gjatë orëve të pikut (nga ora 11:00 deri në 17:00);
Qëndroni në ambiente të freskëta dhe të ajrosura;
Konsumoni sa më shumë lëngje dhe shmangni pijet alkoolike apo të gazuara;
Veshuni lehtë dhe përdorni pajisje mbrojtëse nga dielli (kapelë, syze, krem mbrojtës);
Kujdesuni në veçanti për të moshuarit, fëmijët dhe personat me probleme shëndetësore.
Në raste emergjente shëndetësore, telefononi 194 ose drejtohuni menjëherë në institucionin më të afërt shëndetësor.Shëndeti juaj është prioritet. Tregoni kujdes dhe veproni me përgjegjësi.
