Barnat për humbje peshe si Ozempic dhe Wegovy po dërgojnë dhjetëra amerikanë në spital çdo ditë me efekte anësore potencialisht kërcënuese për jetën.
Hulumtuesit në CDC zbuluan se kishte 25,000 vizita midis viteve 2022 dhe 2023 – rreth 68 në ditë – për simptoma të lidhura me semaglutidin, përbërësin kryesor në ilaçe, raporton Daily Mail.
Ankesat më të zakonshme ishin të përziera, diarre dhe komplikime të tjera gastrointestinale si të vjella dhe dhimbje barku.
Efektet e tjera anësore që çuan njerëzit në spital ishin hipoglicemia (niveli i ulët i sheqerit në gjak), dhe reaksionet alergjike
Hulumtuesit nuk dhanë detaje për shkallën e efekteve anësore të njerëzve dhe as nëse kishte ndonjë vdekje të lidhur me semaglutidin, por DailyMail ka folur me viktimat që filluan të vuanin nga humbja e dëgjimit, lëvizjet e pakontrollueshme të zorrëve, humbja e flokëve, humbja e shikimit, pankreatiti dhe depresioni pas fillimit të ilaçeve.
Raporti i CDC zbuloi se shumica e vizitave në urgjencë – 80 përqind – ndodhën në vitin 2023, ndërsa përdorimi i ilaçeve semaglutide u rrit ndjeshëm. Është vlerësuar se rreth 13 përqind e amerikanëve – 33 milionë njerëz – kanë provuar ndonjëherë të paktën një ilaç për humbje peshe.
