Presidentja e Republikës së Kosovës, Vjosa Osmani, do të marrë pjesë në ceremoninë e varrimit të Papa Françeskut, e cila do të mbahet të shtunën, më 26 prill, në Bazilikën “Santa Maria Maggiore” në Romë.
Lajmi është konfirmuar nga këshilltari për media i Presidentes, Bekim Kupina, i cili ka deklaruar se tashmë janë bërë të gjitha konfirmimet zyrtare nga autoritetet e Vatikanit.
“Tashmë e kemi konfirmuar te autoritetet shtetërore në Vatikan se Presidentja Osmani, si Kreu i Shtetit, do ta udhëheqë delegacionin e Kosovës në ceremoninë e varrimit të Papa Françeskut”, tha ai.
Presidentja Osmani do të jetë në mesin e shumë liderëve botërorë që do të marrin pjesë në këtë ceremoni të rëndësishme, për t’i dhënë lamtumirën e fundit Atit të Shenjtë.
Papa Françesku ndërroi jetë dje, në moshën 88-vjeçare, pas një sulmi në tru dhe komplikimeve me zemrën.
Ceremonia e varrimit do të fillojë në ora 10:00, ndërsa pritet të jetë një nga ngjarjet më të ndjekura ndërkombëtarisht në ditët në vijim
