Kryeministri Albin Kurti ka refuzuar edhe sot të paraqitet për intervistim në Prokurorinë Speciale lidhur me rastin e rezervave shtetërore, duke shpërfillur urdhrin e gjykatës për paraqitje.
Në një deklaratë për media, Prokuroria Speciale e Republikës së Kosovës ka reaguar ndaj këtij veprimi dhe ka sqaruar se çfarë do të ndodhë më tutje.
“Pas interesimit të gazetarëve, Prokuroria ka njoftuar se dëshmitari A.K. nuk është paraqitur në Prokurorinë Speciale për të dhënë dëshminë e tij, pavarësisht urdhrit të Gjykatës Themelore të Prishtinës që e detyronte të paraqitej më datë 04.03.2025, në ora 10:00”.
Prokuroria ka potencuar se, siç është rasti me çdo hetim tjetër, do të veprojë në përputhje me legjislacionin në fuqi dhe se do të ndërmarrin hapat e nevojshëm për të siguruar respektimin e ligjit.
