Dita Ndërkombëtare e Epilepsisë (IED) është një ngjarje globale e kujdesit shëndetësor, e cila sivjet shënohet me temën „Udhëtimi im i epilepsisë“.
Ngjarja synon të bashkojë pacientët që vuajnë nga epilepsia dhe të krijojë një ndjenjë komuniteti për të diskutuar gjendjen, profilin e saj epidemiologjik, diagnozën dhe trajtimin.
Epilepsia është një gjendje mjekësore e përhapur që jo vetëm që prek individin fizikisht, por gjithashtu ka ndikime të rëndësishme psikologjike dhe emocionale si te pacientët ashtu edhe te kujdestarët.
Është një çrregullim neurologjik që shkakton kriza të përsëritura, dhe në nivel global, rreth 650 milionë njerëz vuajnë nga epilepsia, me 80% të këtyre individëve që banojnë në vendet në zhvillim.
Dita Ndërkombëtare e Epilepsisë luan një rol kritik në rritjen e ndërgjegjësimit për epilepsinë dhe adresimin e çështjeve të ndryshme me të cilat përballen pacientët, si mungesa e qasjes në trajtim dhe stigma që rrethon këtë gjendje.
Ajo gjithashtu inkurajon ndryshimet e politikave dhe bën thirrje për investime më të mëdha në kërkime për të gjetur trajtime më efektive.
Njohja e një dite të dedikuar për epilepsinë ka potencialin të ndihmojë në disa fusha, si:
Reduktimi i stigmës ndaj njerëzve që jetojnë me epilepsi
Rritja e fondeve për kërkime mjekësore në epilepsi dhe trajtime të ngjashme
Formulimi i politikave që mbështesin më mirë pacientët me epilepsi në jetën e tyre të përditshme, veçanërisht në fushat e punësimit, arsimit dhe kujdesit shëndetësor
Një nga sfidat kryesore me të cilat përballen njerëzit që jetojnë me epilepsi është stigma dhe diskriminimi.
Epilepsia shpesh keqkuptohet nga shoqëria, duke çuar në paragjykime të konsiderueshme.
Në shumë pjesë të botës, njerëzit me epilepsi përjetojnë kufizime në të drejtat e tyre njerëzore, duke përfshirë kufizime në punësim, martesë dhe madje edhe ngasje.
Kjo mungesë mirëkuptimi dhe pranimi rezulton në izolimin social të atyre që janë prekur nga gjendja.
Ndryshe, Dita Ndërkombëtare e Epilepsisë u organizua për herë të parë në vitin 2015 nga Lidhja Ndërkombëtare Kundër Epilepsisë (ILAE) dhe Byroja Ndërkombëtare për Epilepsinë (IBE).
