Komisioni Qendror i Zgjedhjeve është duke vazhduar me procesin e numërimit të votave për subjektet politike.
Deri tani janë numëruar 88.04% e votave në gjithë Kosovën, ku e para renditet LVV me 41.29%, e dyta PDK me 21.83%, e treta LDK me 17.75% dhe e katërta renditet koalicioni AAK-Nisma me 7.68%.
Sipas të dhënave nga KQZ-ja, në shtatë komunat më të mëdha të Kosovës, Lëvizja Vetëvendosje është partia që kryeson dukshëm me numër të votave krahasuar me partitë e tjera.
Në Gjakovë nga numërimi i 93.10% të votave, LVV-a ka marrë 47.15%, AAK-Nisma ka 19.70%, LDK-ja me 16.68% dhe PDK-ja 10.23%
Duhet theksuar se kjo komunë aktualisht udhëhiqet nga Ardian Gjini i AAK-së.
Në Mitrovicë nga numërimi i 89.52% të votave, LVV-ja ka marrë 56.23%, e dyta renditet PDK-ja me 30.81%, LDK-ja renditet e treta me 6.31% e katërta Koalicioni për Familjen me 3.37% kurse AAK-Nisma janë të pestët në këtë komunë me 1.37%.
Kjo komunë drejtohet nga Bedri Hamza i PDK-së, i cili ishte dhe kandidat për kryeministër.
Në Pejë nga numërimi i 80.30% të votave, LVV-ja është e para me 41.37%, e dyta renditet LDK-ja me 28.01%, e treta është AAK-Nisma me 12.74% dhe PDK-ja e pesta me 10.11%.
Kjo komunë udhëhiqet nga Gazmend Muhaxheri i LDK-së.
Në Prishtinë deri tani janë numëruar 94.19% e votave, ku LVV-ja ka marrë 46.80%, LDK-ja ka 25.54%, PDK-ja ka marrë 18.43%, Koalicioni për Familjen 4.23% dhe AAK-Nisma 3.31%.
Edhe Prishtina aktualisht është nën udhëheqjen e Përparim Ramës nga LDK.
Në Gjilan janë numëruar 78.29% e votave, ku LVV ka marrë 51.54%, LDK ka 21.73%, PDK-ja ka marrë 17.06% dhe AAK-Nisma ka 2.73%.
Kjo komunë aktualisht drejtohet nga Alban Hyseni i LVV-së.
KQZ-ja në Prizren ka numëruar 91.10% të votave, ku LVV-ja ka marrë 40.79%, PDK-ja ka 22.85%, LDK-ja ka marrë 10.67% dhe AAK-Nisma ka 4.77% të votave.
Prizreni është nën udhëheqjen e Shaqir Totaj nga PDK-ja.
Në Ferizaj janë numëruar 88.16% e votave, ku edhe në këtë komunë LVV-ja është e para më 50.99%, e dyta PDK-ja më 27.61%, e treta LDK-ja me 12.72% dhe e katërta renditet AAK-Nisma me 3.19%.
Edhe kjo komunë është nën udhëheqjen e Agim Aliut nga PDK-ja. /Telegrafi
