Ylli i Chelsea-t, Mykhailo Mudryk po kalon periudhën më të errët të jetës së tij.
Pasi u dënua për përdorim dopingu dhe do të qëndrojë jashtë fushave për një kohë të pacaktuar, ai duket se është tradhtuar dhe nga e dashura e tij, modelja ruse Violetta Bert.
Mudryk ishte lidhur me Bert muajt e fundit, por nuk e kishte bërë publike lidhjen e tyre.
Gjithsesi, The Sun raporton se seksbomba ruse është arratisur me mesfushorin e Juventusit, Weston McKennie, të cilët janë nisur për në Francë për të shkuar në vendpushimin e famshëm botëror të skive Courchevel.
Dyshja filluan të ndiqnin njëri-tjetrin në rrjetet sociale në tetor dhe që atëherë kanë pëlqyer postimet e njëri-tjetrit.
Të dy ata ndanë fotografi nga pushimet e tyre në Alpet Franceze në internet, vetëm që McKennie e fshiu me shpejtësi postimin e tij nga llogaria.
Vlen të thuhet se as McKennie dhe as Bert nuk u shfaqën në postimet e njëri-tjetrit, megjithatë ata shpërndanë foto nga të njëjtat vende.
Nuk është e qartë nëse ata të dy janë zyrtarisht në lidhje për momentin, por momentalisht Bert ndjek mesfushorin e Juventusit, ndërsa ka hequr Mudryk.
