Përkundër reshjeve të borës, rrugët në Kryeqytet janë të kalueshme për qarkullim të automjeteve siç shihet në pamjet e Ekonomia Online.
Është bërë me dije se Komuna e Prishtinës së bashku me operatorët ekonomikë janë në gatishmëri të plotë në mënyrë që të mos ketë ndonjë fatkeqësi eventuale.
Policia e Kosovës ka apeluar qytetarët që të kenë kujdes të shtuar gjatë ngasjes në rrugë me borë dhe me ngrica.
“Bazuar në situatën e tanishme ku kemi ndryshim të kushteve atmosferike dhe reshje të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me borë dhe me ngrica”, thuhet në njoftimin policor.
