Një aksident i autoblindës së Policisë se Kosovës ka ndodhur sot në veri.
Shtatë zyrtar policor dhe drejtuesi i automjetit kanë pësuar lëndime.
Në raportin 14 orësh policia ka njoftuar se vetaksidenti kishte ndodhur pasi pjesëtari i PK-së, dyshohet se ka humbur kontrollin mbi automjet.
“Rr. Nacionale, Grabovc / 13.12.2024 – 20:15. Raportohet se pjesëtari i PK-së duke drejtuar automjetin zyrtar të blinduar, dyshohet se ka humbur kontrollin mbi automjet dhe ka dalë jashtë rruge. Si pasoj e aksidentit lëndime trupore ka pësuar vetë drejtuesi dhe shtatë (7) pjesëtarë të PK-së, të cilët kanë qenë në kryerje të detyrës. Zyrtarët janë dërguar në qendrën spitalore për trajtim mjekësor. Në vendin e ngjarjes sipas procedurave kanë dalë edhe IPK-ja”, njoftoj policia.
