Gjykata Themelore në Prishtinë ka shpallur aktgjykimin lirues nga të gjitha akuzat ndaj ministres së Punëve të Jashtme të Kosovës, Donika Gërvalla-Shwartz.
Aktgjykimi ndaj Gërvallës është marrë të martën në Gjykatën Themelore në Prishtinë nga gjykatësi Dibran Jusufi.
Gjykatësi tha se provat janë vlerësuar një nga një dhe u vërtetua se veprime për të cilën ngarkohet Gërvalla nuk përbëjnë vepër penale.
Pas fjalëve hyrëse e pas dëgjimit të dëshmitares, gjykata ka vazhduar me administrimin e provave. Pas administrimit të provave palët kanë vazhduar me fjalët përfundimtarë, ku prokuroria kërkoi dënimin e Gërvallës derisa kjo e fundit tha se nuk ka qenë dashja por ka qenë gabim teknik për të cilin ka paraqitur prova. Pas kësaj gjykata në po të njëjtën dite, ka shpallur aktgjykimin ndaj ministres e të cilën e ka liruar nga akuzat.
