Një ngjarje e rëndë ka ndodhur mbrëmë në kryeqytet. Vëllai ka therur vëllanë me thikë. Viktima ka humbur jetën. Detaje për Insajderin ka dhënë kryeprokurori i Prokurorisë Themelore në Prishtinë, Zejnullah Gashi.
Gashi konfirmoi për Insajderin se i dyshuari është me të meta psikike.
“Prokurorja e rastit është duke u marrë me rastin, nga informacionet që kemi, vëllai e ka therë me thikë vëllain. I dyshuari është me të meta psikike”, tha Gashi.
I dyshuari është dërguar në mbajtje për 48 orë.
Mediat raportuan se viktima është Auron Miftari teksa i arrestuari Gent Miftari.
Auron Miftari nuk arriti t’i bëjë ballë plagëve, ku vdiq në Emergjencën e QKUK’së. Për trajtim në QKUK u dërgua edhe Gent Miftari, ku ruhej nga një njësit policor.
I ndjeri pritet të varroset sot, kanë njoftuar familjarët.
