Kompania e fluturime Wizzair po vazhdon t’i zhgënjejë udhëtarët e saj.
Qytetarë të shumtë kanë raportuar për albeu.com për anulime dhe vonesa të fluturimëve gjatë këtyre ditëve, por duket se qershia mbi tortë është fluturimi i mëngjesit të sotëm W4 5026, nga Milano Malpensa drejt Tiranës.
Ky fluturim i cili ishte i planifikuar për në orën 8:40 të mengjesit është anuluar, ndërsa kompania e ka njoftuar këtë anulim përmes dy e-maileve të derguar rreth orës 2 dhe 3 të mesnatës, duke njoftuar pasagjeret se fluturimi tjetër ishte planifikuar për në orën 23:00, siç shihet në fotot e mëposhtme.
Megjithatë, në orën 17:55, kompania ka nisur sërish një email pasagjerëve ku njoftohen se është shtyrë edhe fluturimi i orës 23:00, duke u spostuar në oren 00:00. Ndërkohë që pasagjerët kanë arritur në aeroport dhe pasi kanë bërë check-in, në oren 21:22, Wizzair serish ju komunikon shtyrjen e fluturimit për të katërtën herë.
Këtë herë, shtyrja bëhet për ditën tjetër në orën 14:00, por deri atëhere serish nuk dihet fati i këtij udhëtimi.
Ndërkohë, që kompania nis njoftime përmes emailit, asnjë numër telefoni ose emaili nuk i përgjigjet thirrjeve telefonike, ku qytetaret mundohen të marrin më shumë sqarime dhe se si duhet të veprojnë për më tej.
