Stand-up-komediani spanjoll Jaime Caravaca u sulmua gjatë shfaqjes së tij nga një burrë që ishte u inatos për një shaka “fyese” për djalin e tij.
Sipas mediave spanjolle, humoristi u ndërpre papritur nga një goditje e fortë në kokë. Mediat lokale e identifikuan sulmuesin si Alberto Pugilato, i cili u zemërua pas një komenti që Caravaca bëri në foton e djalit të tij të postuar në X. Videoja e sulmit është bërë masivisht virale në mediat sociale.
Pugilato postoi një foto të djalit të tij të mitur në X më 1 qershor me fjalët “krenaria dhe gëzimi”. Fotoja tregonte burrin duke mbajtur djalin në krahë dhe fytyrën e tij të mbuluar nga një emoji me zemër të kuqe.
Duke komentuar foton, Caravaca tha se ekziston mundësia që djali të jetë homoseksual, dhe më pas përdori një term nënçmues për foshnjën.
Z. Pugilato zbuloi se komediani do të performojë në Murcia, Spanjë, më 4 qershor. Kështu ai u nis me makinë nga qyteti i tij në Murcia (rreth 6 orë me makinë) dhe u shfaq në shfaqjen e humorit, sipas mediave lokale.
Ata gjithashtu thanë se origjina e komentit duket se e ka origjinën nga dallimet politike mes të dyve.
Aktori i humorit fshiu komentin e tij dhe postoi në lidhje me ngjarjen në X.
