Një rrahje mes shoferëve të autobusëve ka ndodhur sot tek stacioni i autobusëve në Prizren.
Shoferët e autobusëve të Prizrenit dyshohet ta kenë rrahur shoferin e autobusit të Ferizajt.
Sipas Gashit, rrahja dyshohet se erdhi si shkak i orarëve të autobusëve.
Gazeta10 nga burimet e saj mëson se çfarë ka deklaruar në polici njëri nga punëtorët e kompanisë “Zhurr Turs” i përfshirë në rrahje.
Siç mëson Gazeta10, ai ka deklaruar se gjithçka kishte nisur si pasojë e pakënaqësive për linjat e autobusëve.
“Ne kemi organizuar një protestë si shenjë pakënaqësie për vijat e autobusëve dhe gjatë protestës hyri në stacionin e autobusëve në Prizren autobusi ‘PLISI COMERC’ i cili i ka marrë vijat tona dhe pikërisht ky ka qenë shkak i protestës, pastaj ne të gjithë 60 persona ju sulem autobusit”, mësohet të këtë thënë ai në deklaratën para policisë.
Sipas tij ka pasur shtyrje fizike, por jo konfrontim fizik, ndërsa ka mohuar se e ka goditur dikë gjatë kësaj përplasje.
Nga ana tjetër, policia në lidhje me rastin ka arrestuar tre persona dhe hetimet janë duke vazhduar. /
