Ndonjëherë vërtet duhet të pyesim veten në çfarë lloj bote jetojmë.
Në fakt – siç shkruan Auto Zeitung – një radar i automatizuar me një kamerë të instaluar në provincën belge të Quievrain fotografoi një veturë që dyshohet se eci me shpejtësi prej 696 km/h.
Dihet edhe lloji i automjetit. Bëhet fjalë për Opel Astra.
Pasi shkelësit i është falur toleranca e zakonshme që zbatohet në Belgjikë, shpejtësia përfundimtare u regjistrua 654 km/h, pra Astra ka udhëtuar deri në 193 metra në një sekondë dhe atë në një zonë ku shpejtësia e kufizuar është 50 km/h.
Mirëpo, policia aspak nuk dyshoi në prishjen e radarëve, ndaj i dërgoi me gjakftohtësi dënimin pronarit të Astras, gjegjësisht veturës më të shpejtë në historinë e Opelit, një gjobë prej 6597 eurove.
Nuk dihet nëse shoferi e ka apeluar këtë dënim, por nuk do të habiteshim nëse drejtësia do të vendoste se radari nuk ka gabuar dhe se drejtuesi i Astras ndoshta ka mundur ta arrinte atë shpejtësi.
