Policia e Kosovës në raportin 24 orësh ka dhënë detaje për vrasjen e të riut në Podujevë, Lulzim Fejzullahu.
Trupi i pajetë i Lulzimit është dërguar në IML për obduksion.
“VRASJE E RËNDË- Rr. Drenica, Podujevë 14.01.2024-13:00. Lidhur me rastin, me 20.01.2024 viktima mashkull kosovar i cili ka qenë duke u trajtuar në QKUK, ka ndërruar jetë. Me vendim të prokurorit, trupi i pajetë është dërguar në IML për obduksion. Rasti është duke hetuar.”, thuhet në njoftim.
Kujtojmë se 18 vjeçari Lulzim Fejzullau, ditën e 14 janarit është goditur me veturë dhe më pas është rrahur brutalisht me shkopinj metali nga dy të dyshuar.
Rasti ka ndodhur në rrugën “Drenica” në Podujevë.
Fejzullahu është bartur për trajtim në QKUK, por nuk u mbijetoi dot plagëve të marra.
Ai ndërroi jetë në Klinikën Intensive pasditen e të shtunës, gjashtë ditë pas rastit të rëndë.
Burime të Indeksonline pohojnë se dy të dyshuarit lidhur me rastin janë Eltion Kadriu, 18 vjeçar dhe Artiol Abdullahu 17 vjeç.
Nga Policia e Kosovës kanë konfirmuar për Indeksonline se dy të dyshuarit janë arrestuar.
