Sasia e madhe e rrënojave, përfshirë municionet e pashpërthyera të mbetura nga lufta shkatërruese e Izraelit në Rripin e Gazës, mund të duhen rreth 14 vjet për t’u hequr, tha të premten një zyrtar i Kombeve të Bashkuara.
Siç citon Reuters, Pehr Lodhammar – oficer i lartë në shërbimin e veprimit ndaj minave të OKB-së (UNMAS), tha në një konferencë në Gjenevë se lufta kishte lënë rreth 37 milionë tonë mbeturina në territorin e urbanizuar gjerësisht dhe me popullsi të dendur.
Ai tha se megjithëse ishte e pamundur të përcaktohej numri i saktë i municioneve të pashpërthyera të gjetura në Gaza, ishte parashikuar se mund të duheshin 14 vjet në kushte të caktuara për të pastruar mbeturinat, duke përfshirë rrënojat nga ndërtesat e shkatërruara.
“Ne e dimë se zakonisht ka një shkallë të dështimit prej të paktën 10% të municioneve të shërbimit tokësor që është duke u shkrepur dhe nuk funksionon. Po flasim për 14 vite punë me 100 kamionë”, u shpreh zyrtari i OKB-së, shkruan The Guardian.
