Mbreti Charles ka lënë të qartë dëshirën e tij të fundit: në ditën e funeralit të tij, djali i vogël, Princi Harry, do të qëndrojë në qendër të familjes, pranë vëllait të tij, Princit William.
Protokolli është tashmë i vendosur, i shkruar “me të zezë mbi të bardhë”, dhe nuk do të ndryshojë – pavarësisht përplasjeve dhe tensioneve të viteve të fundit në Shtëpinë Mbretërore.
Sipas burimeve të The Telegraph, planet për ceremoninë mortore janë përgatitur prej kohësh, nën emrin e koduar “Operacioni Ura e Londrës”, dhe ndjekin modelin e funeralit të Mbretëreshës Elizabeth II. Protokolli përfshin edhe pjesëmarrjen e Dukës dhe Dukeshës së Sussex, Harry dhe Meghan, së bashku me fëmijët e tyre, Archie dhe Lilibet.
Të quajtur “amerikanët” e familjes mbretërore, Harry dhe Meghan do të marrin pjesë në të gjitha ceremonitë zyrtare, përfshirë homazhet në Westminster Hall dhe shërbesën në Westminster Abbey, ku do të jenë të pranishëm edhe fëmijët e tyre të vegjël. Arkivoli i Mbretit do të transportohet në Pallatin Buckingham, pavarësisht se ku ndodh vdekja e tij, ndërsa procesionet do të zhvillohen në qendër të Londrës.
