Verë dhe plazh është padyshim binomi ideal. Temperatura të larta dhe foto nga bregdeti, janë pak a shumë ajo çfarë do të kemi për muajt në vazhdim. Sezoni ka nisur dhe disa nga emrat më të njohur të ekranit, kanë nisur tashmë pushimet e tyre.
Foto sensuale, familjare, ku personazhet e njohura shfaqen nga bregdeti, do të jenë në qendër të vëmendjes tonë edhe për këtë fundjavë, për t’ju sjellë kështu një copëz të ditëve të tyre të relaksit.
ERANDA LIBOHOVA
Këngëtarja e njohur Eranda Libohova ka ngritur temperaturat në rrjet në maksimum, teksa ka postuar një foto nga bregdeti ku shfaqet me bikini, në super formë fizike. Me trupin elegant dhe linjat e tonifikuara, Eranda ka marrë komplimente pa fund nga ndjekësit, shumë prej të cilëve thonë se “i kalon edhe vajzat e reja”.
Fotoja është realizuar në një nga plazhet më të njohura të jugut, ku këngëtarja po kalon disa ditë pushimi. Postimi ka marrë mijëra pëlqime dhe komentet kanë shpërthyer, ku fansat e quajnë “ikonë elegance” dhe “diva që nuk njeh moshë”.
Eranda Libohova prej vitesh ruan një stil të rafinuar, por kjo dalje verore duket se është ndër më të guximshmet.
ROZA LATI
Roza do t’i ketë pushimet të gjata dhe të mbushura me sporte, kjo e fundit fal të dashurit të saj, Xhonatan Islamit. Çifti është shpërngulur në jug të vendit prej disa kohësh, ku edhe fotot romantike nuk na i kanë kursyer.
Por, duke njohur natyrën provokuese të Rozës, jemi të sigurt që edhe poza të tilla, si kjo që po sjellim sot do të jenë të zakonshme prej saj. Moderatorja ka pozuar me bikini, ku duhet thënë shfaqet tejet sensuale.
Sa herë që flasim për të, nuk kemi sesi të lëmë pa përmendur faktin që kur vjen puna për poza, Roza mbetet ndër më të guximshmet. Ndaj jemi të sigurt, që kjo verë për të do të ndahet mes romancës me Xhonatanin dhe fotove provokuese me bikini.
Rike Roçi
Një verë e nxehtë do të jetë edhe për Rike Roçin. Shpesh herë jemi mësuar që ta shikojmë sensuale në rrjet, ndaj edhe jemi të sigurt, që foto sensuale prej saj, do të na shoqërojnë përgjatë këtij sezoni veror.
E në fakt vera për Riken ka nisur me ditë relaksi. Në rrjet, ajo ka publikuar disa foto e video, ku nuk na zbulon se ku ndodhet dhe me kë, por nuk na i kursen pamjet provokuese. Me bikini dhe format bombastike që gëzon, me gjasa, kjo do të jetë pamja që do të kemi prej saj edhe në muajt në vijim.
Vetëm pak ditë më parë ajo u përfol për një lidhje të re, pas një fotoje që ajo postoi. Nuk e dimë nëse djaloshi në fjalë, po e shoqëron Riken në këto ditë relaksi, por ajo që dimë me siguri, është fakti se Rikja mbetet ndër femrat më seksi në vendin tonë.
FLORIANA GARO
Prej shumë kohësh Floriana ka qenë e angazhuar me politikë, ku shfaqej gjithnjë pranë kryedemokratit Berisha. Por pas zgjedhjeve të 11 majit, ajo u duk disi më e distancuar. Paralelisht, moderatorja, duket se u rikthye tek ‘Dashuria e vjetër”, moderimi.
Me një podcast të sajin, Floriana po rikthehet në qendër të vëmendjes edhe me moderimin. Por gjatë sezonit të verës, edhe Podcasti, është zhvendosur në Borsh, bashkë me moderatoren dhe familjen e saj.
Vetë ajo ka bërë me dije, se zgjedhja e saj për pushimet është gjithnjë Borshi, e kështu ka ndodhur dhe këtë vit. Ndonëse nuk ka preferuar që të publikojë një foto me bikini, Floriana ka publikuar disa shkrepje, ku duket buzë detit, duke shijuar një kafe.
