Situata ku Romeo i hidhte ujë Erjolës u komentua gjatë në Prime-n e djeshëm të Big Brother VIP.
Gjesti i Romeos u komentua nga Erjola dhe Ledioni si gjest shumë seksual, dhe nuk duhet të përsëritet më.
Gjatë prime-t, Ledioni përmendi edhe veshjet e Erjolës, ku tha se padrejtësisht, ajo komentohet negativisht, duke nxitur të gjitha vajzat shqiptare të vishen si të duan, pa u ndjerë të paragjykuara.
Mirëpo këtë deklaratë të Ledionit, duket se nuk e ka pritur mirë ish-finalistja e “Big Brother VIP”, Efi Dhedhes.
Ajo ka ri-shpërndarë një postim në InstaStory ku thuhet:
“Vishuni si të doni vajza… Jo mo joo Nuk ekziston kjo. Vajza vishuni sipas vendit dhe normave. Pikë! Kurrë s’kam qenë dakord me këto opinione demek “moderne”
Veshja juaj është respekti që keni ju për veten fillimisht, më pas ajo çfarë kërkoni dhe prisni nga të tjerët.
Në zyrën time, nuk lejoj një vajzë të më vijë e veshur si për plazh… jo se paragjykoj, por është mungesë respekti ndaj vendit ku po hyn (zyrës/institucionit) dhe ndaj meje.
Vishuni duke ju përshtatur vendit dhe kulturës së komunitetit PIKË”.
