Në një epokë ku përqendrimi i njerëzve matet në sekonda, librat duket sikur janë harruar nën hijen e videove të shkurtra. Por a është e vërtetë që të rinjtë po lexojnë më pak? Apo po lexojnë ndryshe?
TikTok, Instagram Reels dhe YouTube Shorts kanë ndryshuar mënyrën si konsumojmë përmbajtje. Por ndërkohë që shumica ndjekin trendet virale, një komunitet në rritje me hashtagun #BookTok po frymëzon të rinjtë të lexojnë më shumë.
Kjo platformë ka sjellë në top listat botuese romane që ndryshe do të kishin mbetur të panjohur.
Megjithatë, sfida qëndron: leximi kërkon kohë, qetësi dhe fokus – të gjitha këto po mungojnë gjithnjë e më shumë në jetën moderne.
Studimet tregojnë se shumica e të rinjve lexojnë për pak minuta para se të shpërqendrohen nga telefonat. Sërish, librat me kapituj të shkurtër, temat psikologjike dhe zhvillimi personal janë bërë më të preferuarit.
Shumë biblioteka dhe autorë tashmë përdorin rrjetet sociale për të promovuar leximin në mënyra kreative – përmes përmbledhjeve vizuale, komenteve të lexuesve dhe citimeve tërheqëse që mund të përshtaten me formatin e TikTok-ut.
Leximi nuk ka vdekur – vetëm ka ndryshuar mënyra se si prezantohet. Nëse arrijmë ta përshtatim librin me realitetin digjital, mund ta bëjmë sërish pjesë të pandashme të jetës së përditshme. percjell InfolineNews
