Kjo është si dita e gjykimit për mua. Ndjej shumë pikëllim. A mund ta imagjinoni se çfarë kam kaluar duke parë fëmijët e mi duke vde’kur?”, thotë Amina.
Ajo ka humbur gjashtë fëmijë. Asnjë prej tyre nuk ka kaluar moshën tre vjeç dhe një tjetër tani po lufton për jetën e saj, shkruan BBC, transmeton Klankosova.tv.
Bibi Hajira shtatëmuajshe ka përmasat e një të porsalinduri. Duke vuajtur nga kequshqyerja e rëndë akute, ajo zë gjysmë shtrati në një repart në spitalin rajonal të Jalalabad në provincën lindore Nangarhar të Afganistanit.
“Fëmijët e mi po vdesin për shkak të varfërisë. Gjithçka që mund t’i ushqej është bukë e thatë dhe ujë që e ngroh duke e mbajtur nën diell”, thotë Amina, gati duke bërtitur në ankth.
Ajo që është edhe më shkatërruese është se historia e saj nuk është aspak unike – dhe se shumë jetë të tjera mund të shpëtohen me trajtim në kohë.
Bibi Hajira është një nga 3.2 milionë fëmijët me kequshqyerje akute, që po shkatërron vendin. Është një kusht që ka pllakosur Afganistanin për dekada, i shkaktuar nga 40 vjet luftë, varfëri ekstreme dhe një mori faktorësh në tre vitet që kur talebanët morën pushtetin.
E spitalet nuk po munden të shpëtojnë këta fëmijë.
