Me shumë gjasa ke parë vërdallë lajme të tipit: “Françeska Murati është në pritje të ëmbël”, apo “Ish-banorja e BBVA-së 3 konfirmon shtatzëninë”, por si qëndron e vërteta?
Një përmbledhje e shkurtër: Fillimisht, zërat nisën nga një foto që postoi Françeska, ku i tha një vajze që i kishte shkruar në rubrikën “Ask me a Question” se do të shiheshin vitin tjetër në maternitet.
Më pas, gazetari Andi Vrapi publikoi një foto, në të cilën Françeska dhe një person tjetër, të buzëqeshur, mbanin duart në barkun e saj. Sigurisht, fotoja u konsiderua konfirmimi i lajmit të një shtatzënie.
Stafi i Anabel ecën me moton: “Pyet dhe do gjesh përgjigje”, ndaj pyeti vetë Françeskën dhe ajo mohoi zërat, duke thënë:
“Ishte një shaka/ ironi me miqtë e mi për portalet që kanë thënë se jam shtatzënë. Njerëzit e kanë bërë screenshot. Unë isha në një festë private me miqtë e mi”, duke theksuar se nuk është shtatzënë.
