Për publikun shqiptar, Bergüzar Korel mbetet e paharrueshme si “Shehrazadja”, protagoniste e serialit fenomen “1001 Net” që shënoi fillimin e epokës së telenovelave turke në Kosovë dhe Shqipëri.
Sot, aktorja e njohur po tregon se shkëlqimi dhe stili nuk kanë lidhje me moshën.
43-vjeçarja mori të gjithë vëmendjen në eventin prestigjioz të organizuar nga “Elle Türkiye”. E veshur me një fustan elegant të zi, ajo u shfaq me vetëbesim dhe formë fizike të shkëlqyer, duke rrezatuar elegancë në çdo detaj.
Edhe pse si nënë e tre fëmijëve angazhimet janë të shumta, Bergüzar duket më vitale se kurrë, duke treguar se kujdesi për veten mbetet një prioritet i rëndësishëm.
Një tjetër moment që tërhoqi vëmendjen ishte kimia e jashtëzakonshme me bashkëshortin e saj, Halit Ergenç. Pas shumë vitesh së bashku, “Onuri” vazhdon të jetë mbështetja kryesore e saj, duke e bërë Bergüzar një ikonë stili dhe një grua të përmbushur, e cila po shijon çdo moment të jetës.
