Selena Gomez ka zbuluar se nuk ka shoqe goca, sepse sipas saj, sado klishé të duket, gocat janë ‘të këqija’.
Sel, në intervistën e saj me Time ka ndezur reagime në rrjet, pasi u shpreh se vajzat janë në një konkurs të vazhdueshëm për të qenë një gocë ‘cool’.
“Është klishé, por vajzat janë të këqija. Është një garë shumë e çuditshme, që të jesh në zonën e gocave cool. Unë nuk e di ku bëj pjesë”, duke shtuar se i pëlqen të ketë afër njerëz që s’interesohen fare për gjërat që bën ajo. Ndonëse ajo është mikeshë e mirë me shumë të famshëm, sidomos me Taylor Swift, bëri me dije se miqtë e saj të ngushtë janë: një producent dhe një agjente shitjesh, pasi janë njerëz që s’kanë lidhje me karrierën e saj.
Megjithatë, interneti nuk ndaloi së e etiketuari nëpër komente “pick me girl” Selena-n. (Termi ‘pick me girl’ u referohet vajzave që gjykojnë gocat e tjera, për të marrë vëmendjen e djemve. Një “pick me girl” nuk e pëlqen makeup-in, sepse është e bukur pa makeup, plus, përqafon hobi “mashkullorë” dhe gjykon vajzat që janë me delikate dhe nuk kanë të njëjtat pasione).
“Selena, ndoshta ti je problemi, sepse do gjithë kohës të pëlqehesh nga çunat. Ndoshta vajzat nuk duan të rrinë me ty”; “Oh, e çuditshme se ti shumicën e fansave i ke goca”; “Në një botë ku po bëhet çmos që gratë të bashkohen, Selena i quan gocat “të këqija”. Bukur Selena”, tha dikush tjetër me ironi; “Selena, nuk dështon kurrë të na e tregosh sa ‘pick me girl’ je”, ishin disa nga komentet nëpër rrjetet sociale.
Selena, në intervistën e saj, i dha rëndësi edhe tematikës së vetmisë, duke thënë se është e vështirë ta tejkalosh atë. “Ti mund të jesh në një vend të mbushur me njerëz dhe prapë të përballesh me vetminë. Mund ta shpërqendrosh veten dhe ta mohosh sa të duash, por vetmia mbetet aty. Thjesht e lejoj veten që të kem ditë të tilla”, tha këngëtarja dhe aktorja e “Only Murders in the Builing”
