Georgina Rodriguez shkaktoi shumë komente negative pasi postoi në rrjetet sociale fotografi nga finalja e Kupës së Mbretit të Arabisë Saudite, në të cilën klubi i Ronaldos, Al Nassr, humbi nga Al Hilal.
Teksa Ronaldo qau në fushë, Georgina në njoftimin e saj nuk iu referua momentit emocional dhe trishtues të të fejuarit të saj.
Në vend të kësaj, ajo ka postuar një seri fotosh nga tribunat VIP në të cilat pozoi me fëmijët e saj, e veshur me pantallona të ngushta lëkure dhe ka publikuar edhe një selfie në të cilën ka treguar bizhuteritë e saj të shtrenjta.
Tifozët e futbollistit portugez e kanë mbushur me kritika të shumta dhe e kanë quajtur të pandjeshme.
“Duhet të trishtoheni për të dhe të mos postoni fotot tuaja seksi”, “Sa e pandjeshme nga ana juaj”, “Dhe ju nuk kënaqeni me ndeshjet, vini vetëm për të bërë foto”, “Ti nuk je mbështetje”, “Ndërsa Ronaldo po qan ti bën foto të prapanicës tënde”, janë vetëm disa nga qindra komentet.
