Ditën e sotme policia bëri me dije se kanë nisur hetimet në gjendje të lirë për influenceren e njohur, Genta Gjalpin e cila dhunoi vajzën e partnerit të saj.
Genta Gjalpi ka reaguar pas publikimit të një videoje në rrjet, ku shihej duke u sjellë në mënyrë të dhunshme me një vajzë të mitur.
Reagimi i Gentës ka ardhur përmes një postimi në Instagram, ku ajo ka shpërndarë një mesazh të shkruar nga një mikesha e saj.
Në reagimin e saj, të cilin genta e mbështet thuhet:
“Një moment i shkëputur nga konteksti nuk tregon të vërtetën.
Shoqja ime, Genta, po përpiqej të ndalonte një fëmijë që po vraponte drejt rrugës – një reagim instinktiv, mbrojtës dhe plot përgjegjësi. Genta është një grua e përkushtuar ndaj fëmijëve dhe kujdesit për moshën e tretë.”, thuhet në reagim.
