Banorja e “Big Brother VIP Kosova 4”, Elijona Binakaj, ka bërë një rrëfim shumë emocional në dhomën e rrëfimit, duke prekur zemrat e publikut me historinë e saj personale.
Teksa festonte ditëlindjen e 19-të brenda shtëpisë, Elijona u shfaq e vetmuar dhe e rënduar emocionalisht, duke shpërthyer në lot gjatë rrëfimit.
Ajo tregoi se ditëlindjet për të kanë qenë gjithmonë të vështira, por më herët kishte pranë familjen për t’i dhënë forcë. Këtë herë, sipas saj, ndjenja e vetmisë është edhe më e madhe, pasi kjo moshë i rikthen një kujtim të dhimbshëm.
“Mosha që do ta mbush po më mundon, sepse motra ime kur i ka pasur 19 vjet ka ndërruar jetë dhe tani unë arrita në moshën e saj. Nuk po më duket fer të jetoj në të… nuk e di”, u shpreh Elijona mes lotësh.
Më tej, ajo shtoi se kjo është një tjetër ditëlindje e kaluar pa dy njerëzit më të dashur për të.
“Janë bërë katër ditëlindje, tani po bëhet e pesta që e festoj pa nënën dhe motrën”, tha ajo duke qarë.
Sipas rrëfimit të saj, nëna dhe motra e Elijonës kanë humbur jetën në një aksident tragjik me autobus në Kroaci, teksa po udhëtonin nga Gjermania drejt Kosovës për vizitë.
Rrëfimi i sinqertë dhe prekës i Elijona Binakajt ka ngjallur reagime të shumta në rrjet, ku publiku ka shprehur mbështetje dhe empati, duke e vlerësuar guximin e saj për të ndarë një histori kaq të dhimbshme në një moment kaq të ndjeshëm.
