Sean Diddy Combs (P.Diddy) dyshohet se kishte një peshore në festat e tij famëkeqe dhe u kërkoi të ftuarve të peshoheshin para se të mbërrinin, shkruan Page Six.
Vajzat supozohet se duhej të peshonin jo më shumë se 64 kilogramë.
“Ne organizuam një peshim nëse ishte e nevojshme”, tha një ish-organizator i festës që ka punuar me reperin në vitin 2004 dhe 200
5.“Vajzat duhet të ishin të reja dhe të bukura, kështu që unë kisha gjithmonë një peshore afër. Ato nuk mund të peshonin më shumë se 64 kilogramë, por nëse një vajzë ishte vërtet e gjatë, atëherë do të bënim disa lëshime”, shtoi ai.
Një organizatore tjetër e festës tha se femrat nuk duhet të kishin celulit dhe shumë ‘piercing’ apo tatuazhe.
Ajo pretendon se vajzat me flokë të shkurtër nuk lejoheshin të vinin në festat e Diddy-t. Sa i përket veshjeve, pohoi ajo, ato duhet të ishin përshtatur për festën.
“Jo pantallona, xhinse dhe këpucë të sheshta. Çdo vajzë duhej të vishte një fustan, mundësisht shumë të shkurtër, mjaftueshëm të gjatë sa të mbulonte pjesën e poshtme të saj. Duhet të tregonin dekolte, të vishnin taka, pa përjashtim”, shpjegoi organizatorja dhe pranoi se nuk kishte pyetur kurrë për moshën e tyre.
Organizatorët pohojnë se nuk e kanë ditur se çfarë ka ndodhur në ato ahengje dhe se vajzat që kanë ardhur nuk kanë folur asnjëherë për këtë.
