Një nutricionist i cili humbi pothuajse 50 kilogramë me ndihmën e një diete që krijoi vetë tha në postimin e tij viral në TikTok se mollët kanë të njëjtin efekt si injeksionet Ozempic që shumë njerëz marrin për të ndihmuar në humbjen e peshës.
Saun Christopher shpjegon se ngrënia e mollëve rrit natyrshëm GLP-1, një hormon tretës që, kur sekretohet në sasi më të mëdha, mund të djegë më shumë kalori dhe yndyrë. Ky është i njëjti hormon që synon ilaçi Ozempic.
“Arsyeja pse ilaçet për humbje peshe funksionojnë është sepse ato veprojnë si hormoni GLP-1 që prodhohet në trupin tonë. Me fjalë të tjera, këto barna, të cilat administrohen me injeksion, funksionojnë duke simuluar hormonin e prodhuar natyrshëm GLP-1 në trup, i cili në sasi më të mëdha redukton oreksin, ngadalëson tretjen pas ngrënies dhe nxit ndjenjën e ngopjes. Gjëja më e mirë për të gjitha është fakti që ushqimet natyrale bëjnë të njëjtën gjë si ilaçet për humbje peshe, dhe ky nuk është vetëm mendimi im, por është shkencë e pastër”, shpjegoi ai.
Ai shtoi gjithashtu se mollët përshpejtojnë dhe intensifikojnë djegien e yndyrës sepse ato janë të mbushura me fibra, të cilat ngadalësojnë tretjen dhe ju mbajnë më të ngopur më gjatë.
Përveç kësaj, ai pretendon se substancat në mollë, të quajtura polifenole, stimulojnë GLP-1 për të rregulluar sheqerin në gjak dhe oreksin, për të mbështetur shëndetin e zorrëve dhe për të nxitur metabolizmin.
