Shëndeti i zorrëve luan një rol kyç në çdo gjë që nga tretja, funksioni imunitar, metabolizmi dhe madje edhe shëndeti mendor. Kur zorra është jashtë ekuilibrit, ne mund të jemi të ndjeshëm ndaj një sërë problemesh si dispepsi, fryrje, lodhje kronike, infeksione etj. Pra, mbajtja e një zorrë të shëndetshme është kritike për shëndetin dhe mirëqenien tonë të përgjithshme.
Ka disa gjëra që mund të bëjmë çdo ditë për të arritur këtë qëllim.
Ekspertët rekomandojnë që të kufizojmë marrjen e ushqimeve të përpunuara të dëmshme dhe t’i zëvendësojmë me ushqime që mund të balancojnë mikrobiomën e zorrëve, të nxisin metabolizmin dhe të zvogëlojnë fryrjen. Dietologia Michelle Saari ka zbuluar tre opsione të shkëlqyera, shkruan Index.hr.
Kosi
Kosi nuk është vetëm një ushqim i shijshëm dhe i gjithanshëm për mëngjes, por gjithashtu ofron një mori përfitimesh shëndetësore, veçanërisht për shëndetin e zorrëve.
“Kosi është thelbësor për një mikrobiomë të ekuilibruar të zorrëve dhe për shëndetin e tretjes dhe imunitetit”, thotë Saari për SheFinds.
Ajo shton se kombinimi i proteinave dhe probiotikëve në kos mbështet shëndetin e sistemit të tretjes dhe kontribuon në ndjenjën e ngopjes, gjë që e bën atë një shtesë të vlefshme për një dietë që synon humbjen e peshës. “Një porcion mesatar, i cili përmban rreth 12 gram proteina, kontribuon në ndjenjën e ngopjes dhe redukton marrjen e përgjithshme të kalorive, gjë që është e dobishme për humbjen e peshës”, thekson ajo.
Për më tepër, Saari thekson se përmbajtja e kalciumit dhe proteinave në kos mund të stimulojë termogjenezën dhe metabolizmin e yndyrës.
Salmoni
Salmoni është një peshk i shijshëm, i pasur me acide yndyrore omega-3, veçanërisht EPA dhe DHA, të cilat Saari shpjegon se mund të reduktojnë inflamacionin e zorrëve, duke promovuar shëndetin e përgjithshëm të zorrëve. Vetitë anti-inflamatore të omega-3 kontribuojnë në një mikrobiome të ekuilibruar të zorrëve.
