Një studim i ri nga shkencëtarët në Universitetin e Shkencave Shëndetësore të Teksasit ka zbuluar se gjumi i tepërt – konkretisht, më shumë se nëntë orë në natë – mund të ndikojë negativisht në shëndetin e trurit dhe të përshpejtojë procesin e plakjes mendore.
Studiuesit zbuluan se personat që flinin mesatarisht nëntë orë në natë kishin një plakje të trurit të barabartë me rreth gjashtë vjet e gjysmë më shumë krahasuar me ata që flinin më pak.
Ky efekt u shoqërua me përkeqësim të dukshëm në kujtesë, arsyetim verbal, perceptim hapësinor dhe kohë reagimi.
Studimi përfshiu 1,853 të rritur të shëndetshëm të moshës 27 deri 85 vjeç, të cilët u ndoqën për më shumë se 20 vjet. Çdo katër vjet, ata iu nënshtruan testeve të detajuara të funksioneve njohëse dhe plotësuan pyetësorë për zakonet e tyre të gjumit.
Ekspertët sipas mail online, paralajmërojnë se “gjumi i gjatë” mund të jetë një faktor i hershëm dhe potencialisht i kthyeshëm rreziku për zhvillimin e demencës.
Ata theksojnë nevojën për të kuptuar më mirë lidhjen mes zakoneve të gjumit dhe shëndetit të trurit, duke sugjeruar se rregullimi i kohës së gjumit mund të luajë një rol kyç në parandalimin e sëmundjeve neurodegjenerative.
Studimi ndërlidh raste me luanët, meqë kënaqen duke u çlodhur në gjumë.
Ata kalojnë deri në 21 orë çdo ditë duke pushuar dhe duke fjetur.
