Një influencuese e bukur, e cila po bëhet e njohur në Instagram, ka tërhequr vëmendjen e shumë personazheve të famshëm, përfshirë futbollistë, të cilët e kanë kontaktuar për ta ftuar për të dalë. Me sa duket është e vështirë të jesh shpërfillës ndaj sharmit të Emily Pellegrinit e cila me fotot dhe videot e saj në vetëm katër muaj ka arritur mbi 130 mijë ndjekës dhe është zgjedhur gjithashtu nga disa marka prestigjioze si imazh për produktet e tyre.
Ajo që vlen të përmendet është se modeja nuk ekziston në realitet, por është krijuar nga inteligjenca artificiale: „E pyeta Chat GPT se cila ishte vajza e ëndrrave të një burri mesatar dhe ai u përgjigj: me flokë të gjatë kafe dhe këmbë të gjata, kështu që i thashë ta krijonte atë. Pikërisht në atë mënyrë”, zbuloi krijuesja e saj për ‚Daily Mail‘.
„Qëllimi ishte ta bëja atë të këndshme dhe tërheqëse. Doja ta mbaja sa më reale“, tha ajo teksa zbuloi se madje kishte shkuar përtej perspektivave të saj, duke qenë se Emily-ja e saj tërhoqi shpejt vëmendjen e burrave të pasur, të fuqishëm dhe të suksesshëm. „Përmes Instagramit njerëz vërtet të famshëm, si futbollistë, miliarderë, yjet e MMA dhe tenistë që e kontaktojnë. Ata mendojnë se është e vërtetë. E ftojnë në Dubai për t’u takuar dhe për të ngrënë në restorantet më të mira“, shtoi krijuesja e Emily, e cila tani fiton rreth 10 mijë dollarë në javë.
Prandaj, shumë yje ndërkombëtarë kontaktuan privatisht modelen, të bindur se ajo ishte një grua e vërtetë, duke përfshirë një mik të Cristiano Ronaldos. Diçka që e habiti jo pak krijuesen e saj, pasi ajo nuk priste që kaq shumë njerëz të famshëm të mashtroheshin: “Ishte një moment kur pyeta veten “çfarë dreqin po ndodh?”” rrëfeu krijuesja e Emily Pellegrini përpara se të zbulonte. një bisedë me një futbollist të famshëm gjerman (identitetin e të cilit megjithatë ajo nuk deshi ta zbulonte) i cili këmbënguli disa herë duke kërkuar edhe kontaktin në WhatsApp të modeles së krijuar nga Inteligjenca Artificiale.
Në bisedën e publikuar nga ‚Daily Mail‘, mesazhet e dërguara nga ylli gjerman i futbollit nxjerrin në pah se sa i bindur ishte se po fliste me një femër të vërtetë: “Si ka mundësi që një femër kaq e bukur të mos ketë të dashur? -i kishte shkruar ai përpara se të kërkonte me ngulm numrin për të vazhduar bisedën në WhatsApp.
