Selin ka ndarë detaje të reja rreth afrimitetit të saj me DJ Gimbon, duke e përshkruar raportin mes tyre si një nga më të sinqertët brenda shtëpisë. Gjatë një rrëfimi në dhomën e dedikuar, ajo u shpreh se pranë tij ndihet e qetë dhe larg çdo strategjie loje.
Banorja theksoi se koha që kalon me DJ Gimbon është spontane dhe e natyrshme, pa llogari apo prapaskena. Sipas saj, kjo është arsyeja pse lidhja mes tyre ka krijuar një kimi të veçantë dhe të fortë.
Selin nuk i kurseu fjalët e mira për karakterin e tij, duke vënë në pah respektin reciprok dhe mënyrën korrekte të sjelljes. Ajo shtoi se e vlerëson faktin që DJ Gimbo është i kujdesshëm dhe detajist, cilësi që e bëjnë të ndihet më e afërt me të.
Deklaratat e saj kanë nxitur reagime të shumta brenda shtëpisë, por edhe tek publiku, duke rritur interesimin për dinamikën e këtij raporti. Kujtojmë se edhe DJ Gimbo ka shprehur hapur simpatinë për Selinin, me të cilën shihet gjithnjë e më i afërt gjatë qëndrimit në shtëpi.
