Evenimenti vjetor i Apple iPhone solli lajme të mëdha edhe për aksesorët ku në mesin e tyre spikatën modelet e reja AirPods.
Apple prezantoi versionin standard AirPods 4 dhe një version AirPods 4 me teknologjinë e eliminimit të zhurmave njohur si ANC.
Por një prej ndryshimeve të mëdha është edhe porta USB-C në pajisjet e karikimit. Kjo sjell tërë modelet AirPods në një linjë. Kufjet e reja AirPods 4 duhet të jenë më të rehatshme për tu mbajtur falë edhe rafinimit të dizajnit.
Të dy versionet përmbajnë çipin e ri H2 duke përmirësuar cilësinë e zërit. Kufjet kanë audio hapësinore të personalizuar, izolim të zërit dhe kontrollet bazuar në Siri.
Këto kufje duhet të ofrojnë 30 orë jetëgjatësi baterie. AirPods 4 me ANC janë identik me modelin standard me përjashtim të integrimit të teknologjisë së eliminimit të zhurmave.
Kufjet mund të porositen prej ditës së sotme dhe dalin në shitje më 20 Shtator. AirPods 4 kushtojnë 129 dollarë ndërsa AirPods 4 ANC 179 dollarë./pcworldalbanian
