Bima “Diffenbachia” sipas Qendrës Kombëtare Amerikane të Helmimeve mund të jetë fatale për njerëzit dhe veçanërisht për fëmijët e vegjël!
Dieffenbachia është një lloj bime shtëpie me gjethe të mëdha, dyngjyrësh. Është shumë toksike dhe helmimi tek njerëzit mund të ndodhë nëse përtypni gjethet, kërcellin apo edhe rrënjën e bimës.
Kjo është arsyeja pse edhe fëmijët e vegjël janë në rrezik më të madh, pasi janë mësuar të vendosin “çdo gjë përpara” në gojë.
Përbërës helmues
- Acidi oksalik
- Asparagina (një proteinë që gjendet në këtë bimë)
- Simptomat e helmimit toksik nga Dieffenbachia
- Djegie në gojë ose në fyt
- Dëmtimi i kornesë së syrit
- Diarreja
- Dhimbje në sy
- Një zë i ngjirur
- Të vjella
- Ënjtje dhe flluska në gojë ose gjuhë
Flluska dhe ënjtje në gojë që mund të jenë mjaft të rënda për të parandaluar të folurit, frymëmarrjen dhe gëlltitjen normale.
Çfarë duhet të bëni në shtëpi nëse merrni helmim nga Dieffenbachia
Fshijeni gojën me një leckë të ftohtë dhe të lagur. Lani sytë dhe lëkurën e fytyrës tërësisht nëse keni prekur lëngun e bimës dhe më pas fytyrën. Jepini pacientit qumësht për të pirë. Telefononi Qendrën e Helmimeve për më shumë udhëzime.
Përpara se të bëni thirrjen e urgjencës, sigurohuni që të dini informacionin e mëposhtëm:
- Mosha, pesha trupore dhe gjendja e përgjithshme e pacientit
- Pjesët e bimës që ai hëngri
- Kur ka ndodhur kjo?
- Sa ka gëlltitur?
Prognoza për helmimin nga Dieffenbachia
Nëse kontakti me gojën e pacientit nuk është i gjerë, simptomat zakonisht zhduken brenda pak ditësh. Për pacientët që kanë kontakt të rëndë me bimën, kërkohet një kohë më e gjatë shërimi.
Parandalimi
Asnjëherë mos prekni ose hani ndonjë bimë që nuk e njihni. Gjithmonë lani duart tërësisht pasi punoni në kopsht.
