Kandidatja demokrate për presidente në SHBA, Kamala Harris iu ka drejtuar me një letër të hapur shqiptaro-amerikanëve që jetojnë në SHBA.
Në letrën e saj, numri dy i Shtëpisë së Bardhë thotë se shqiptarët kanë dhënë kontribut të thellë në strukturën e kombit, duke pasuruar komunitetet me frymën e tyre sipërmarrëse, vlerat e forta familjare dhe një përkushtim të thellë ndaj arsimit dhe angazhimit qytetar.
Në letrën e Harris përmendet gjithashtu mbështetja e SHBA-së për Kosovën dhe garantohet se kjo mbështetje do të vazhdojë edhe më tutje.
“Shtetet e Bashkuara kanë udhëhequr gjithashtu aleatët e tyre dhe partnerët evropianë që të mbështesin pavarësinë dhe sovranitetin historik të Republikës së Kosovës, dhe vazhdojnë të mbështesin një Kosovë multietnike, demokratike, të integruar plotësisht në komunitetin ndërkombëtar”, thuhet në letër
Letra është bërë publike nga ish-deputeti i Kuvendit të Kosovës, Faton Bislimi, transmeton gazeta online Reporteri.net.
